Publisert: 20.04.2010 | Sist endret: 15.11.2012
Norsk filminstitutt kan gi førehandstilskot til lansering av audiovisuelle produksjonar i Noreg og utlandet. Med audiovisuelle produksjonar meinast fiksjonsfilm, dokumentarfilm eller interaktiv produksjon produsert for offentleg vising eller omsetjing. Formålet med ordningane er å profilere filmkunst og filmkultur i Noreg og utlandet og nå eit størst mogleg publikum nasjonalt og internasjonalt.
Tips sendt!
* = Påkrevd felt
Tilskot til lansering av kinofilm i Noreg
Tilskot kan bli gitt til lansering av kinofilm for ordinær kinodistribusjon, irekna marknadsføring og framstilling av kopiar. I særlege tilfelle kan det bli gitt tilskot til kinolansering av kortfilm og samansette kortfilmprogram. Ved vurdering og prioritering mellom søknadar vil det særleg bli lagt vekt på lanseringsplanar, lanseringstidspunkt og det forventa publikumspotensialet til filmen sett i forhold til søknadsbeløpet.
Djupneinformasjon, i tillegg til tilvising til rett søknadsskjema finn du ved å bruke menyen til høgre
Tilskot til lansering av audiovisuelle produksjonar i utlandet
Du kan søke om tilskot til lansering av audiovisuelle produksjonar på festivalar eller salsmarknadar, irekna marknadsføring, framstilling av filmkopiar, deltaking på festival, omsetjing og teksting av kortfilm og i særlege tilfelle andre audiovisuelle produksjonar. Søknaden skal vere sendt Norsk filminstitutt før festivalen eller marknaden det søkast tilskot til startar.
Ved vurdering og prioritering mellom søknadar om tilskot skal det bli lagt vekt på framlagde lanseringsplanar og det forventa salspotensialet til filmen sett i forhold til søknadsbeløp.
Norsk filminstitutt har laga maksimumssatsar for tilskot til lansering for dei største festivalane og Oscar.
Tilskot til lansering av interaktive produksjonar i Noreg
Du kan søke om tilskot til lansering av interaktive produksjonar i Noreg. Ordninga gjeld for interaktive produksjonar som har fått utviklingstilskot frå Norsk filminstitutt. Ved vurdering og prioritering mellom søknadar vil det særleg bli lagt vekt på lanseringsplanar sette i forhold til søknadsbeløpet.