Publisert: 04.05.2010 | Sist endret: 18.09.2012
Utviklings- og produksjonsavdelinga (UPA) forvaltar offentlege tilskot til utvikling og produksjon av audiovisuelle prosjekt som kortfilm, dokumentarfilm, spelefilm, interaktive spel og TV-drama. UPA er òg ansvarleg for kurs, seminar og verkstader retta inn mot den profesjonelle norske filmbransjen.
Tips sendt!
* = Påkrevd felt
Produksjonsselskap kan få tilskot til utvikling og produksjon av audiovisuelle prosjekt.
Tilskot etter kunstnarisk vurdering blir innstilte av konsulentar.
Søknadar om tilskot til pakkefinansiert produksjon, tilskot til interaktive spel og tilskot etter marknadsvurdering blir vurderte av ekspertpanel, som gjev tilråding om innstilling.
Forfattarar kan få tilskot til utvikling av manuskript innan fiksjon, dokumentar, tv-drama og spel. I tillegg til kontakt mellom forfattar og konsulent tilbyr NFI tilskot til dramalesingar og prøveromsordning.
Profesjonelle filmarbeidarar kan få ulike stipend til kurs og etterutdanning i utlandet.
MEDIA-desk
Avdelinga består i tillegg av MEDIA-desken, som gjev informasjon og råd rundt dei ulike Media-programma. MEDIA-deskar finst i alle land som er knytte til programmet, og utgjer eit unikt europeisk nettverk. MEDIA-desken er administrativt knytt til NFI og blir finansiert av Kulturdepartementet og EU-kommisjonen.
