|
|
24.10.2005
Norsk film i 100: FLÅKLYPA og NI LIV beste film
Folket kåra Ivo Caprinos FLÅKLYPA GRAND PRIX til tidenes norske film, mens fagjuryen valde NI LIV til tidenes beste norske film. Også Liv Ullmann og Kristoffer Joner blei heidra i Bergen søndag kveld. Publisert: 24.10.05 | Sist endret: 20.04.06
 | Flåklypa Grand Prix |
Under prisutdelinga på Den Nationale Scene blei Ivo Caprinos animasjonsfilm FLÅKLYPA GRAND PRIX frå 1975 gitt Folkets pris for tidenes beste norske film. Avstemminga som blei gjennomført i VG og på VG Nett hadde filmen som suveren vinnar. Ivo Caprinos son Remo Caprino og soneson Mario Caprino tok imot prisen på hans vegner. Også Ivo Caprinos nære samarbeidspartner Bjarne Sandemose var til stades på scena.
Fagjuryen sin pris for tidenes beste norske film gjekk til Arne Skouens krigsdrama NI LIV frå 1957. Denne filmen er tidlegare blitt Oscar-nominert. Arne Skouens barnebarn Mina Skouen tok imot prisen på hans vegner.
Ullmann og Joner beste skodespelarar
Liv Ullmann, Bjørn Sundquist og Kristoffer Joner fekk prisane for beste kvinnelege og mannlege filmskodespelar.
Kristoffer Joner tok sjølv imot publikums hyllest som tidenes beste mannlege filmskodespelar under utdelinga på Den Nationale Scene. Bjørn Sundquist blei på si side heidra av juryen som beste mannlege filmskodespelar.
Liv Ullmann, som vann publikum og fagjuryen sin pris for beste kvinnelege filmskodespelar, var forhindra frå å vere tilstades, men deltok i ein telefonsamtale med konferansier Knut Borge.
Æresprisar til Wenche og Henki
Under prisutdelinga på Den Nationale Scene blei Wenche Foss og Henki Kolstad hedra med kvar sin ærespris for innsatsen i norsk film. Wenche Foss var forhindra frå å vere tilstades i Bergen. Henki Kolstad tok sjølv imot prisen.
Arrangmentet var er eit samarbeid mellom Norsk filminstitutt, Film & Kino og Bergen Kino.
|
