Festivalutvalet

Utvalet

Utvalet for 2023-2026 består av: Christian Aune Falck, Elisa Pirir og Petri Kemppinen. Vara: Marit Eikemo.

Utvalet skal vurdere søknader utifrå forskrift om tilskot til filmformidling, og retningslinjer for tilskot til filmfestivalar. Utvalet skal særleg leggje vekt på dei vurderingskriteria som er beskrivne både i § 4 i forskrifta og under retningslinjene §11 «slik behandlar vi».

Medlemmene i utvalet

Leiar: Christian Aune Falch   

Christian Aune Falch er medeigar og produsent for UpNorth Film AS, som står bak prisvinnande dokumentarfilmar som Two Raging Grannies, Blackhearts, iHuman, Trond Giske - Makta rår, Oh it Hertz! og Praying for Armageddon. Sidan 2004 har han produsert, skreve og regissert dokumentarfilmar som har vorte viste på over 300 internasjonale festivalar, og samarbeidd med kanalar som BBC, ZDF, ARTE, Al Jazeera og Netflix.  Falch vart uteksaminert frå EuroDoc i 2013 og Dok Incubator i 2017. I 2018 fekk han NTNUs filmpris for det internasjonale arbeidet sitt med dokumentarfilm. Aune Falch er styremedlem i Virke Produsentforeningen og sjølverklært ekspert på fjøsnissen.

Medlem: Elisa Pirir 

Elisa Fernanda Pirir er filmprodusent frå Guatemala, busett i Noreg, og utdanna frå Den norske filmskulen. Ho er eigar og grunnleggjar og medeigar av produksjonsselskapet Stær, og har det siste tiåret jobba med internasjonal samproduksjon og talentutvikling. Pirir har jobba med internasjonale regissørar som Thomas Arslan, Ciro Guerra og Cristina Gallego, og nokre av Noregs mest anerkjende regissørar, som Itonje Søimer Guttornmsen og Jorunn Myklebust Syvertsen. Ho har delteke i Berlinale Talents, Guadalajara Talents, EAVE, Rotterdam Lab og EWA. I 2023 vart ho vald ut som årets Norwegian Producer on the Move i Cannes. Ho har leidd sitt eige talentutviklingsprogram i Nord-Noreg, og sit i Kulturrådets utval for kort- og dokumentarfilm.    

Medlem: Petri Kemppinen

Petri Kemppinen arbeider internasjonalt innanfor finansiering og utvikling, strategi og trening. Han har nærare 30 års erfaring frå journalistikk, forlagsverksemd og AV-sektoren, og driv no sitt eige konsulentfirma P1 Kemppinen. Han har tidlegare vore administrerande direktør i Aurora Studios, seniorrådgivar i Finnish Impact Film Fund (2021-2023), og administrerande direktør i Nordisk Film & TV Fond i Oslo (2013-2019). Han har også jobba i Finnish Film Foundation, YLE og Helsingin Sanomat, og var Finlands representant i Eurimages' styre 2006-2013. Kemppinen sat i styret for i Svenska Filminstitutet 2019-2023, og er styremedlem i European Women's Audiovisual Network sidan 2020. Han er også medlem av European Film Academy og International Academy of Television Arts & Sciences.

Fast møtande vara: Marit Eikemo 

Marit Eikemo er forfattar og kulturarbeidar. Ho har mellom anna vore tidsskriftredaktør og forlagsredaktør, informasjonssjef i Festspillene i Bergen, festivalsjef for Litteratursymposiet i Odda, dagleg leiar for Cornerteatret i Bergen og kunstnarisk rådgjevar for Norsk Litteraturfestival. Eikemo har til saman gitt ut seks romanar, den seinaste er Team Tuva (2021). Ho har også skrive essayboka Samtidsruinar og novellesamlinga Hardanger.  Eikemo fekk Amalie Skram-prisen 2017 for sin forfattarskap, og var festspeldiktar på Dei nynorske festspela 2018. I 2019 fekk ho Samlagsprisen.   

Mandat  

Utvalget skal vurdere søknader og saksbehandlars forslag til innstilling, utifrå forskrift om tilskot til filmformidling, og retningslinjer for tilskot til filmfestivalar. Utvalet skal særleg leggje vekt på dei vurderingskriteria som er beskrivne, under forskrift gjeld dette §§ 4 og 11, under retningslinjene gjeld det punktet om vurderingskriterium.  

Utvalet leverer ei grunngitt innstilling om tilskot til Norsk filminstitutt som gjennomfører endeleg vedtak og utmåling.   

Oppgåver:  

• Lese alle søknader med vedlegg.   
• Møtest for innstilling i Oslo ein dag  
• Skrive innstilling (rådgivar i NFI er sekretariat for utvalet)