Det uendelege teppet

Det uendelege teppet er ein eksperimentell animasjonsfilm om bier og virus, verdas moglege kollaps og transformasjon, der alt er bunde saman av trådar i ein bildevev som gjentek seg sjølv. Trass i menneskets ønskje om å gjere godt, rører vi oss stadig mot vår eigen undergang. 

Om regissør, manusforfattar og produsent

Simone Hooymans bur og arbeider i det internasjonale AiR Kunstnarhuset Messen i Ålvik. Ho er utdanna ved Kunstakademiet for biletkust i Arnhem og Breda i Nederland. Ho arbeider i hovudsak med animasjonar og teikningar. Hooymans tematiserer på ulike måtar menneskets forhold til naturen – korleis vi både mytologiserer han, tærer på han og samtidig lever under ein konstant trussel frå han. Hooymans har delteke ved ei rekkje internasjonale gruppeutstillingar og filmfestivalar.  
Ho har laga fleire særeigne animasjonsfilmar, blant prisvinnande «Ras» frå 2019, som også fekk tilskot frå NFI. Hooymans filmar har vore vist på festivalar over heile verda, og ho har hatt kunstutstillingar i inn- og utland. 

Turid Rogne er ein erfaren produsent, og jobba også med Hooymans på filmen «Ras». Rogne har jobba med norsk film i meir enn 20 år, og produsert ei lang rekke kortfilmar og dokumentarar. Selskapet Aldeles held til i Bergen.

Om prosjektet

Sjanger

Kortfilm

Produsent

Turid Rogne

Produksjonsselskap

Aldeles AS

Regissør

Simone Hooymans

Manusforfatter

Simone Hooymans