Høyring om nye tilskotsordningar for kinotiltak

Norsk filminstitutt har gjennomgått tilskotsordningane for kinotiltak med føremål:

• Tilpasse ordningane betre til bransjens faktiske behov
• Sikre at tilskot til kinotiltak i større grad understøttar måla i statens filmpolitikk og regjeringas strategi for kino og filmformidling
• Forenkle søknadsprosessar og saksbehandling, i tråd med krav til effektiv og forsvarleg forvaltning 

Forslaga er utarbeida etter dialog med bransjeaktørar og bransjeorganisasjonar, og med bakgrunn i erfaringar frå NFIs forvaltning av eksisterande ordningar.

To nye ordningar

Denne høyringa foreslår å erstatte desse fire ordningane med to nye ordningar: 

• Tilskot til utviklingsprosjekt og kompetanseheving

  Ordninga skal møte bransjen sitt behov for større prosjekt og samarbeid for å styrke kinoen sin posisjon hos publikum og skape gode kinovanar hos barn og unge.  

• Tilskot til arrangement og aktivitetar på kino 

  Ordninga tek utgangspunkt i behova for tiltak som kan styrke kinoopplevinga, gjere kinoen til ein møteplass, og bidra til samarbeid om programmering.

– Etter ein god prosess med bransjen foreslår vi nå to nye ordningar som bidreg til regjeringa og bransjen sitt felles mål om å auke kjennskapen til publikum, og hjelper kinoaktørane til å skape gode møter mellom film og publikum over heile landet, seier Julie Ova, avdelingsdirektør formidling og samfunn i Norsk filminstitutt.  

Høyringsfrist er 29. januar 2026.