Sørfond 2026 - tilskot til ti internasjonale samproduksjonar

Sørfond-juryen har valt ut tre dokumentarfilmar og sju spelefilmar som får tilskot i år. 

Sidan oppstarten i 2011 har Sørfond gitt tilskot til 116 produksjonar, inkludert årets tildelingar. Sørfond finansieres av Utenriksdepartementet.

Filmar med Sørfond-tilskudd har fått stor merksamd og ei rekke prisar på internasjonale festivalar. I år var fire Sørfond-filmar inviterte til filmfestivalen i Cannes, der Elephants in the Fog vann juryprisen i Un Certain Regard, og Ben’Imana vann debutantprisen Caméra d’Or.

– Sørfond bidreg til sterke internasjonale samarbeid og gir rom for historier og perspektiv som elles ville hatt vanskelegare vilkår. Årets tildelingar viser den tydelege internasjonale posisjonen ordninga har fått. Dette er filmar med høge kunstnarlege ambisjonar, og fleire av dei kan vi vente å sjå på store festivalar dei neste åra, seier Kjersti Mo, direktør i Norsk filminstitutt. 

Sørfond-filmane 2026:

Fiksjon

Baptism of Silence. Land: Sør-Afrika. Regi: Kanya Viljoen og Emilie Badenhorst. Produsent: Unusual Bones ved Casey Diepeveen. Norsk samprodusent: Eye Eye Pictures AS ved Andrea Berentsen Ottmar og Dyveke Bjørkly Graver. Tilskot:  500 000 kroner 

Black Harvest. Land: Palestina. Regi: Said Zagha. Produsent: Twenty Seven Films ved Myriam Sassine. Norsk samprodusent: Barentsfilm AS ved Ingrid Lill Høgtun, Marie Fuglestein Lægreid og Linda Bolstad Strønen. Tilskot: 625 000 kroner

Falso Positivo. Land: Colombia. Regi: Theo Montoya. Produsent: Desvio Visual ved Theo Montoya. Norsk samprodusent: Eye Eye Pictures AS ved Andrea Berentsen Ottmar og Dyveke Bjørkly Graver. Tilskot: 600 000 kroner

Hearing. Land: Vietnam. Regi: Lê Bảo. Produsent: Sensory Ocean Films ved Huỳnh Thị Bảo Yến. Norsk samprodusent: Stær AS ved Elisa Pirir. Tilskot: 500 000 kroner

Kachifo (Till The Morning Comes). Land: Nigeria. Regi: Dika Ofoma. Produsent: Bluehouse Studios ved Blessing Uzzi (Uzoma Blessing Chibuike). Norsk samprodusent: DUOfilm AS ved Linda Bolstad Strønen, Ingrid Lill Høgtun og Marie Fuglestein Lægreid. Tilskot: 600 000 kroner

Madness and Honey Days. Land: Irak. Regi: Ahmed Yassin Al-Darraji. Produsent: Puratti ved Maytham Jbara. Norsk samprodusent: Kaj Film AS ved Karrar Al-Azzawi og Aurora Hannisdal. Tilskot: 500 000 kroner

Quo Vadis, Aida? The Missing Part. Land: Bosnia-Hercegovina. Regi: Jasmila Žbanić. Produsent: Deblokada ved Jasmila Žbanić. Norsk samprodusent: MER Film AS ved Maria Ekerhovd. Tilskot: 500 000 kroner

Dokumentar

Children of Honey. Land: Tanzania. Regi: Jigar Ganatra. Produsent: JG Creative ved Jigar Ginatra og Natalie Humphreys. Norsk samprodusent: Folk Film AS ved Anita Norfolk. Tilskot: 500 000 kroner 

Don't Let the Sun Go Up on Me. Land: Marokko. Regi: Asmae El Moudir. Produsent: Insight ved Asmae El Moudir. Norsk samprodusent: Lofoten Film Collective AS ved Yngvar Christensen og Ingve Wegge. Tilskot: 600 000 kroner

Shooting Stars. Land: Iran. Regi: Parsa Ansari. Produsent: Seven Springs Pictures ved Milad Khosravi. Norsk samprodusent: Folk Film AS ved Anita Norfolk. Tilskot:  500 000 kroner

Om Sørfond-ordninga

Sørfond vart etablert for å fremme filmproduksjon i land der politiske, sosiale eller økonomiske forhold avgrensar moglegheitene for produksjon. Kvalifiserte land er fastsette i DAC-lista, OECD si oversikt over land som kan ta imot bistand.

Sørfond gir tilskot til spelefilm og dokumentarfilm produserte av ein hovudprodusent i eit DAC-land i samarbeid med ein norsk minoritetsprodusent. Regissøren må vere statsborgar i, eller busett i, eit land på DAC-lista. Filmen må i hovudsak spelast inn i land som står oppførte på denne lista.

Sørfond er finansiert over bistandsbudsjettet til Utanriksdepartementet og blir forvalta av Norsk filminstitutt i samarbeid med Stiftelsen Festivalkontoret.

Årets Sørfond-jury bestod av Wanuri Kahiu (Kenya), filmskapar, Mette Cheng Munthe-Kaas, produsent, og Lasse Skagen, programsjef for Film frå Sør ved Stiftelsen Festivalkontoret. 

Fråsegn frå Sørfond-juryen 2026: 

«I ei imponerande mengd søknader frå heile verda var det både ei ære og ei utfordring å velje ut årets prosjekt. Styrken i historiene, motet til filmskaparane og krafta i spørsmåla dei stiller gjorde at diskusjonane våre vart reflekterte, engasjerte og ofte krevjande. Det var langt fleire framifrå prosjekt enn vi til slutt kunne velje ut, og vi anerkjenner visjonen, engasjementet og det kunstnarlege nivået til alle som søkte. Til dei som ikkje vart valde i år: Historiene dykkar er viktige. Vi håpar de held fram med å fortelje dei, og vi ser fram til å møte dei att i framtida.

Blant årets Sørfond-tildelingar finn vi familiar som søker rettferd, lokalsamfunn som kjempar for å overleve, kjærastar som møter ekskludering, barn som ber med seg gammal kunnskap inn i ei usikker framtid, kunstnarar som utfordrar undertrykking, og enkeltpersonar som navigerer i det komplekse landskapet mellom minne, identitet, sorg og von. Enten historiene utspeler seg i Marokko, Palestina, Nigeria, Tanzania, Iran, Bosnia-Hercegovina, Colombia, Sør-Afrika, Vietnam eller Irak, minner dei oss om at kampen for verdigheit, fridom og tilhøyrsle er både grunnleggande lokal og djupt universell.

Mange av desse filmskaparane arbeider på stader der ytringsfridomen framleis er sårbar, der det er risikabelt å seie sanninga, og der film framleis er eit viktig frirom for vitnesbyrd, motstand og skaparkraft. Filmane deira bryt tausheit, kastar lys over skjulte historier og skaper rom for empati på tvers av grenser og erfaringar.

I ei tid der splid ofte pregar den offentlege samtalen, minner desse prosjekta oss om filmens unike evne til å bygge bruer mellom verder. Vi er stolte av å støtte desse filmskaparane og deira modige, medmenneskelege visjonar, og vi ser fram til reisene desse historiene vil ta når dei møter publikum verda over»