Medverknadstiltak barn og unge

Kven kan søke

• Organisasjonar, stiftelsar, kommunalt føretak eller føretak registrert i Einingsregisteret (inkludert enkeltpersonføretak).
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet.

Dette kan du søke om

• Du kan søke om tilskot til medverknadstiltak.

  Med medverknad meiner vi å gi barn og unge moglegheit til å delta aktivt i planlegginga eller gjennomføringa av kulturaktivitetar ut frå egne føresetnader og behov. Det må bli lagt til rette for at deltakarens meiningar og innspel blir anerkjent og ivaretatt, og medverknaden må vere frivillig og av relevans for målgruppa.

• Tilskotet skal dekke relevante kostnader til utvikling og gjennomføring av tiltak.

  Relevante kostnader kan omfatte:

  • Utgifter til prosjektleiing og gjennomføring
  • Utgifter til research om og kartlegging av målgruppa
  • Utgifter til oppretting av barne- og ungdomsgrupper
  • Honorar
  • Reiseutgifter
  • Leige av utstyr og eventuelt lokalar
  • Marknadsføring og profilering
• Tilskotet kan ikkje dekke vanlege driftskostnader til organisasjonen som søker, eller til ein samarbeidsorganisasjon.

Vilkår for tilskot

• Du må levere fullstendig søknad før utviklinga og/ eller gjennomføringa av medverknadstiltaket skal starte.
• Tiltaket må bli utvikla og/ eller gjennomført av ein etablert aktør som utviklar, produserer eller formidlar film eller spel til barn og unge.
• Tiltaket må ha ein eller fleire relevante samarbeidspartnarar, som sikrar at tiltaket når målgruppa.
• Tiltaket må ha ein plan for korleis barn og unge kan medverke i planlegging, programmering, eller produksjon av innhald på etablerte formidlingsarenaer, i spelutvikling eller filmproduksjonar.
• Tiltaket må ha ein plan for å rekruttere barn og unge, og særleg grupper som er underrepresentert i den lokale film- og spel-satsinga på barn og unge.
• Øvre aldersgrense for barn og unge som medverkar er 20 år.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

• Søkar og samarbeidspartnar sine dokumenterte erfaringar med utvikling, produksjon eller formidling av film og spel
• Planar for rekruttering, av barn og unge, og særleg underrepresenterte grupper.
• I kva grad tiltaket bidrar til formålet for ordninga
• Nyskapande medverknadstiltak

Vi vil prioritere tiltak som bidrar til å betre kjønnsbalansen og som bidrar til auka mangfald og representativitet.

Vi kan prioritere tiltak som har etablerte aktørar og samarbeidspartnarar.

Meir om ordninga