Kompetansehevande tiltak for formidlarar av spel

Kven kan søke

• Verksemder som tek på seg ansvaret for å arrangere, koordinere og gjennomføre felles kompetansehevande tiltak med formidlarar av spel som målgruppe.
• Søkar må vere ein organisasjon, stiftelse eller føretak registrert i det norske Einingsregisteret. 
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet.

Dette kan du søke om

• NFI kan gi tilskot til relevante kostnader til å gjennomføre seminar, bransjetiltak og kurs som svarer til formålet med ordninga. 
• Relevante kostnader

  Relevante kostnader kan inkludere:

  • Utgifter til prosjektleiing og gjennomføring av tiltaket
  • Honorar
  • Reiseutgifter
  • Lokalleie
  • Leige av utstyr
  • Marknadsføring og profilering
  • Rettar
• Tilskot kan ikkje gå til å dekke vanlege driftskostnader, eller innkjøp av utstyr og andre investeringar som kan tilskrivast søkarens vanlege drift.

Vilkår for tilskot

• Du må levere fullstendig søknad før tiltaket skal starte.
• Søknaden og søknadsdokument skal vere på norsk. NFI kan gjere unntak frå språkkravet på heile eller deler av søknaden. Man søker da rådgivar om dette før søknaden sendes.
• Tiltaket må vere opent for alle i målgruppa. Kurs som blir arrangert for egne tilsette, eller innanfor eigen bedrift, må vere opne også for andre deltakarar. 
• Deltakarane på tiltaka skal gis anledning til å gi ei evaluering, og denne evalueringa skal leggast ved sluttrapport dersom du får tilskot.
• Søkar skal ha, eller klarere nødvendige rettar for spela for å kunne gjennomføre det tiltaket det blir søkt om tilskot til.

Prioritering og vekting av søknaden

Vi gjer ei heilskapleg og skjønnsmessig vurdering av søknadane opp mot kvarandre og prioriterer etter eigenarten og kvaliteten i tiltaka, pedagogisk og kulturell verdi, samt geografisk spreiing.

Vi legg vekt på:

• Kor godt tiltaket styrker kompetansen og kunnskapen om spelformidling.
• Kor godt tiltaket bidrar til at spelformidlarar kan sette dataspel i en kontekst. Se forskrift § 6-2 Definisjon av omgrepet formidlingstiltak.
• Forventa samla effekt av tiltaket.
• Kor godt tiltaket vil nå relevante målgrupper
• Dokumentert erfaring hos nøkkelpersonar som skal involverast i tiltaket
• Faglege og økonomiske samarbeid
• Økonomisk, fagleg og praktisk gjennomføringsevne

Vi kan prioritere tiltak som bidrar til å betre kjønnsbalansen, betre formidling til barn og ungdom, samt bidrar til auka mangfald og representativitet.

Vi kan prioritere tiltak som bidrar til å styrke bruken av norske spel.

Meir om ordninga