Bokmål Nynorsk

Distribusjon av utanlandsk kvalitetsfilm

NFI gir tilskot til distribusjon av utanlandsk kvalitetsﬁlm på kino og andre visningsplattformer i Noreg. Denne tilskotsordninga rettar seg mot etablerte norske filmdistributørar. 

Kven kan søke

Organisasjonar, stiftelsar eller selskap registrert i Einingsregisteret, som distribuerer utanlandsk ﬁlm av høg kulturell verdi og kunstnarisk kvalitet til Noreg.
Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet.
For å søke om pakketilskot må selskapet kunne vise til relevant erfaring frå dei siste tre åra.

Dette kan du søke om

Tilskot omfattar kostnader til distribusjon og marknadsføring for heile distribusjonsløpet til ﬁlmen: På kino, video og andre plattformer.
Du kan søke om pakketilskot og/eller enkelttilskot

Vilkår for tilskot

Filmen må ha en varigheit på 60 minuttar eller meir, men kan omfatte ei samling av kortﬁlmar med tilsvarande total lengde.
Distributøren må dokumentere rettar til dei formata og plattformene ﬁlmen skal lanserast på. Rettane må minimum vere på 6 månader.
Filmen som tilskotet blir brukt til skal vere tilgjengeleg for alle plattformer/visningsstader som ønsker å vise filmen offentleg til ordinære marknadsmessige vilkår. Du kan til dømes ikkje avgrense visning til visningsplattformer du sjølv er eigar av, eller har vesentlege forretningsmessige bindingar til.
Filmar som tilskotet nyttast til må ha med NFIs vignett i fortekst, og NFIs logo i promomateriell. Vignetten kan brukast i forteksten til utanlandske filmar som har mottatt tilskot til distribusjon av NFI. Last vignetten ned her.
Filmar som tilskotet nyttas til skal leverast digitalt til Nasjonalbiblioteket med norske undertekster.

Prioritering og vekting av søknaden

Pakketilskot:

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

Korleis eit planlagt repertoar av film bidrar til måloppnåing for ordninga gjennom ein tydeleg lanseringsstrategi og konkrete planar for strategiske samarbeid med relevante aktørar
Det planlagde repertoaret blir vurdert i lys av tidlegare resultat, og i kva grad søkar tidlegare har distribuert film som svarar til formålet med ordninga
Eit planlagt repertoar som inneheld ein eller fleire filmar for barn eller unge som kvalifiserer til ordninga kan bli prioritert.

Enkelttilskot:

Vi gjer ei heilskapleg skjønnsmessig vurdering av søknaden og legg særleg vekt på:

Korleis filmen bidrar til måloppnåing for ordninga gjennom ein tydeleg lanseringsstrategi og konkrete planar for strategiske samarbeid med relevante aktørar både i og utanfor filmfeltet.
Filmar for barn eller unge som kvalifiserer til ordninga, og med ein tydeleg og målretta lanseringsstrategi, vil bli prioriterte.
Tidlegare resultat, i kva grad søkar har distribuert film som svarar til formålet med ordninga.

Meir om ordninga

- Distributørar som har mottatt pakketilskot skal sjølve fordele midlane på kostnader til det talet og typen filmar dei har fått tilskot til, innanfor ei ramme på 50.000 - 250.000 kroner per film (Kostnader til versjonering opp mot 320.000 kroner kjem i tillegg).
- Dersom ein distributør ikkje har søkt om midlar til barnefilm i pakken, eller vil bruke mottatt pakketilskot til distribusjon av fleire barnefilmar enn det som er satt opp som ein føresetnad for pakken, kan ein i tillegg søke om enkelttilskot til versjonering for disse filmane.
- Søknader om enkelttilskot på filmar som tidlegare har fått avslag, vil ikkje bli gitt ny vurdering med mindre det finnast vesentlege endringar i lanseringsplanen for filmen.
- Du må bruke tildelt pakketilskot på enkeltﬁlmane i det tidsrommet som gjeld for pakketilskotet. Distributørar som har brukt pakketilskot før perioden er omme, vil normalt ikkje bli prioritert for tilskot til enkeltitlar i den resterande delen av perioden.
- Søker må fortløpande informere NFI om kva filmar pakken skal nyttas til, i forkant av lansering.
- Tilskotet kan nyttast til ﬁlmar med norsk minoritetsprodusent som har fått produksjonstilskot frå Sørfond.
- Tilskotet kan ikkje nyttast til ﬁlmar med utanlandsk hovudprodusent og norsk minoritetsprodusent som kvaliﬁserer til lanseringstilskot frå NFI.
Formålet med ordninga er å bidra til kvalitet og bredde i ﬁlmtilbodet i Noreg, og auke tilgangen til kvalitetsﬁlm for barn på kino og andre plattformer.
Tilskot til distribusjon av ein enkelt ﬁlm opp til 150.000 kroner. Søkar kan få opp til 175.000 kroner til distribusjon av film for unge dersom 50.000 kroner av tilskotet blir øyremerka kampanje/tiltak retta spesifikt mot denne målgruppa.
Tilskot til versjonering (dubbing) av barnefilm på opp til 160.000 kroner for norsk versjonering. I tillegg til dette kan ein søke 160.000 kroner for samisk dubbing. Søknader om samisk dubbing må ha en intensjonsavtale om medfinansiering av dubbing med Internasjonalt Samisk Filminstitutt for å kvalifisere for tilskot.
Pakketilskot for distribusjon av 3-10 ﬁlmar som har premiere mellom 1. januar 2025 og 31. desember 2025, avgrensa til 1.500.000 kroner.
- Prosjektbeskriving og lanseringsstrategi
- Budsjett med godkjente kostnader ved søknad om enkelttittel
- Beskriving av tidlegare oppnådde resultat på eit relevant utval ﬁlmar dei siste to åra som søker meiner oppnår formålet med ordninga
- Finansieringsplan kor all ﬁnansiering er spesiﬁsert
- Beskriving av selskapets proﬁl og kvaliﬁkasjonar
- Ved søknad om pakketilskot, skal også selskapets årsregnskap leggast ved
NFIs retningslinjer for økonomiforvaltning og kontroll
Eit utval vurderer søknadene om pakketilskot og enkelttilskot. Utvalet består av tre eksterne ekspertar, som blir oppnemnde for 3 år og har brei filmfagleg kompetanse. Det Det er Film & Kino, Norske ﬁlmdistributørers forening og NFI som har nominert kandidatar til utvalet. Utvalet tilrår innstilling til vedtak. På bakgrunn av deira tilråding vil NFI utarbeide innstilling til vedtak om tildeling av tilskot. Vedtaket blir fatta av NFI.
Sjå her for ei beskriving av korleis vi saksbehandlar i NFI

Kontaktpersoner

Stig Andresen

Rådgiver formidling