Idé- og manusutvikling dokumentar

Kven kan søke

• Du må ha registrert enkeltpersonføretak i det norske einingsregisteret.
• Du må oppfylle eitt av følgande krav til utdanning eller yrkeserfaring:
  • Relevant utdanning

    • Utdanning på bachelornivå eller høgare innan skapande audiovisuelle fag.
    • Utdanninga skal ha resultert i ein eksamensfilm, eller eit manus i langt format, som manus til spelefilm eller dramaserie.
    • Anna utdanning på bachelornivå, til dømes innan journalistikk eller kreative fag, kan også vurderast som relevant.
  • Relevant yrkeserfaring – profesjonell distribusjon

    • Dokumentert yrkeserfaring som regissør eller manusforfattar frå produksjon av audiovisuelle verk med profesjonell distribusjon. 

      Med profesjonell distribusjon meiner vi at verket har blitt vist i det offisielle programmet ved ein av dei prioriterte festivalane, distribuert på kino, eller vista via ein strøymeteneste eller kringkasting. Tilgjengeleggjering av eit filmverk via opne videodelingsplattformtenester, til dømes YouTube eller Vimeo, fell utanfor definisjonen av profesjonell distribusjon.

      Oversikt over prioriterte festivalar finn du her. I tillegg til desse festivalane er visning ved følgande festivalar også kvalifiserande:

      • Kortfilmfestivalen
      • Minimalen
      • Kosmorama
      • Bergen internasjonale filmfestival
      • Den norske dokumentarfilmfestivalen
      • Den norske filmfestivalen
      • Fredrikstad Animation Festival
      • HUMAN International Documentary Film Festival
      • Nordic Docs
      • Kristiansand Internasjonale Barnefilmfestival
      • Oslo Pix
      • Tromsø Internasjonale Filmfestival
         
    • Anna relevant yrkeserfaring frå produksjon av audiovisuelle verk med profesjonell distribusjon kan også reknas som kvalifiserande.
  • Relevant yrkeserfaring – tidlegare tilskot

    • Dersom du har vore regissør eller manusforfattar for eit audiovisuelt verk som tidlegare har fått tilskot frå Norsk filminstitutt, eit regionalt filmsenter eller fond, Internasjonalt Samisk Filminstitutt, Fritt Ord, Fond for lyd og bilete, Bergesenstiftelsen eller Stiftelsen Dam, er det også kvalifiserande for ordninga.
    • Om det tidlegare tilskotet var eit utviklingstilskot må tilskotet ha vore på 30 000 kroner eller høgare for å kvalifisere.
    • Det er ikkje eit krav at tilskotet vart tildelt same prosjekt som du planleggar å søke med nå.

Dette kan du søke om

Du kan til dømes søke tilskot til:

• Gjennomgang av allereie sikra materiale/arkivmateriale
• Eigen prøveklipp av materialet
• Utvikling av grunnpilarane i forteljinga; tilgang, karakterane, historia, strukturen, setting og tematikk
• Synleggjere det dramatiske ambisjonsnivået og potensiale for forteljinga
• Utarbeide logline, pitch, karakterbeskriving og andre tekster som er relevante for konkretisering og presentasjon av prosjektet for produsent
• Utarbeide treatment eller manus
• For dokumentarseriar gis tilskot fram til revidert manus eller treatment for første episode, samt episode-synopsis.
• Det gis tilskot for opptak av nytt materiale.
• Det gis normalt ikke tilskudd til prosjekter som har vært eller er i utvikling i andre ordninger hos NFI. 

Vilkår for tilskot

• Du må sende inn søknaden før du begynner på arbeidet som du søkar tilskot til.
• Du kan berre ha eitt prosjekt i ordninga om gangen.
• Søknaden og søknadsdokument skal vere på norsk, dansk eller svensk. NFI kan gjere unntak frå språkkravet på heile eller delar av søknaden. Ein må då søke produksjonsfagleg rådgivar om dette før søknaden blir sendt.
• Søknaden må gjelde eit kulturprodukt som oppfyller minst tre av dei fire punkta i kulturtesten

  • Manuskript eller litterært førelegg er originalskrive på norsk eller samisk. 
  • Hovudtemaet er knytt til norsk historie, kultur eller samfunnsforhold.
  • Handlinga utspeler seg i Noreg eller eit anna EØS-land.
  • Verket har vesentleg bidrag frå opphavspersonar eller utøvande kunstnarar busett i Noreg eller eit anna EØS-land.

  Les meir om kulturtesten her.

• Dersom prosjektet er vurdert to eller fleire gonger tidlegare i denne ordninga, skal det leverast ei oversikt over substansielle endringar som er gjort sidan førre søknad.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

• Forteljetekniske, produksjons- og marknadsmessige forhold og ambisjonar, med spesiell vekt på den kunstnariske kvaliteten.

Utviklingsprosjekt utan tilknytt regissør blir ikkje prioritert.

Vi kan prioritere prosjekt som bidrar til betre kjønnsbalanse i norsk film.

Vi kan prioritere prosjekt som bidrar til auka mangfald og representativitet.

Meir om ordninga