Idéfordjuping

Kven kan søke

• Regissørar, konseptuerande regissørar og serieskaparar.
• Du må ha registrert enkeltpersonsføretak i det norske Einingsregisteret.
• Du må oppfylle eitt av følgande krav til utdanning eller yrkeserfaring:
  • Relevant utdanning

    • Utdanning på bachelornivå eller høgare innan skapande audiovisuelle fag.
    • Utdanninga skal ha resultert i ein eksamensfilm eller eit manus i langt format, som manus til spelefilm eller dramaserie.
    • For søker som skal utvikle eit dokumentarisk verk, kan utdanning på bachelornivå, til dømes innan journalistikk eller kreative fag, også vurderast relevant.
  • Relevant yrkeserfaring – profesjonell distribusjon

    Dokumentert yrkeserfaring som regissør eller manusforfattar frå produksjon av audiovisuelle verk med profesjonell distribusjon.

    • Med profesjonell distribusjon meiner vi at verket har blitt vist i det offisielle programmet ved ein av dei prioriterte festivalane, distribuert på kino eller vist via ein strøymeteneste eller via kringkasting. Tilgjengeleggjering av eit filmverk via opne videodelingsplattformtenester, til dømes YouTube eller Vimeo, fell utanfor definisjonen av profesjonell distribusjon. Oversikt over prioriterte festivalar finn du her. I tillegg til desse festivalane er visning ved følgande festivalar også kvalifiserande:
      • Kortfilmfestivalen
      • Minimalen
      • Kosmorama
      • Bergen internasjonale filmfestival
      • Den norske dokumentarfilmfestivalen
      • Den norske filmfestivalen
      • Fredrikstad Animation Festival
      • HUMAN International Documentary Film Festival
      • Nordic Docs
      • Kristiansand Internasjonale Barnefilmfestival
      • Oslo Pix
      • Tromsø Internasjonale Filmfestival
    • For søker som skal utvikle eit dokumentarisk verk, kan anna relevant yrkeserfaring frå produksjon av audiovisuelle verk med profesjonell distribusjon også reknas som kvalifiserande.
  • Relevant yrkeserfaring – tidlegare tilskot

    • Har du vore regissør eller manusforfattar for eit audiovisuelt verk som tidlegare har motteke tilskot frå Norsk filminstitutt, eit regionalt filmsenter eller regionalt fond, Internasjonalt Samisk Filminstitutt, Fritt Ord, Fond for lyd og bilete, Bergesenstiftelsen eller Stiftelsen Dam, er det også kvalifiserande for ordninga.
    • Om det tidlegare tilskotet var eit utviklingstilskot må tilskotet ha vore på 30 000 kroner eller høgare for å kvalifisere.
    • Det er ikkje eit krav at tilskotet vart tildelt same prosjekt som du planleggar å søke med nå.

Dette kan du søke om

Det vil typisk bli gitt tilskot til:

• Utvikling av ideens grunnpilarar; historia, forteljinga, karakterane, setting og tematikk.
• Synleggjering av det dramatiske, cinematiske og tematiske ambisjonsnivået for forteljinga.
• Utarbeiding av visuelt konsept og/eller andre arbeide som er relevante for konkretisering og presentasjon av prosjektet.

Levert materiale vil normalt bestå av eit utfyllande handlingsresyme/prosjektbeskriving/filma skisse, konseptnotat og ein utviklingsrapport. Rapporten skal synleggjere potensialet i å utvikle prosjektet videre som filmforteljing.

Prosjekt som får tilskot til idéfordjuping kan ikkje søke tilskot til manusutvikling fase 1, men om arbeidet blir vekta mot tekstleg utforsking og dramatisering av ideen, kan prosjektet kvalifisere for tilskot til manusutvikling fase 2.

Vilkår for tilskot

• Du må sende inn søknaden før du begynner på arbeidet som du søkar tilskot til.
• Søknaden og søknadsdokumenta skal vere på norsk, dansk eller svensk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.
• Søknaden må gjelde eit kulturprodukt som oppfyller minst tre av dei fire punkta i kulturtesten.

  • Manuskript eller litterært førelegg er originalskrive på norsk eller samisk. 
  • Hovudtemaet er knytt til norsk historie, kultur eller samfunnsforhold.
  • Handlinga utspeler seg i Noreg eller eit anna EØS-land.
  • Verket har vesentleg bidrag frå opphavspersonar eller utøvande kunstnarar busett i Noreg eller eit annet EØS-land. 

   Les meir om kulturtesten her. 

• Dersom prosjektet er vurdert to eller fleire gonger tidlegare i denne ordninga, skal det leverast ei oversikt over kva substansielle endringar som er gjort i prosjektet sidan førre søknad.

Prioritering og vekting av søknaden

Vi gjer ei heilskapleg og skjønnsmessig vurdering av prosjektets kunstnariske utfordringar, forteljarmessige potensial og søkarens talent og erfaring, og legg særleg vekt på: 

• Om søkar har hatt regi på ein spelefilm eller lang dokumentarfilm i profesjonell distribusjon dei siste tre åra.
• Om søkar har fullført éin profesjonell produksjon og no utviklar sitt andre filmverk eller serie.

Vi kan prioritere prosjekt som bidrar til betre kjønnsbalanse.

Vi kan prioritere prosjekt som bidrar til auka mangfald og representativitet i norsk film

Vi kan prioritere søkarar som ikkje har mottatt tilskot til idéfordjuping eller VIPstipend tidlegare.

Meir om ordninga