Manusutvikling fiksjon

Kven kan søke

• Du må ha registrert enkeltpersonføretak i det norske Einingsregisteret.
• Du må oppfylle eitt av følgande krav til utdanning eller yrkeserfaring:
  • Relevant utdanning

    • Utdanning på bachelornivå eller høgare innan skapande audiovisuelle fag.
    • Utdanninga skal ha resultert i ein eksamensfilm, eller eit manus i langt format, som manus til spelefilm eller dramaserie.
  • Relevant yrkeserfaring – profesjonell distribusjon

    • Dokumentert yrkeserfaring som regissør eller manusforfattar frå produksjon av audiovisuelle verk med profesjonell distribusjon

    Med profesjonell distribusjon meiner vi at verket har blitt vist i det offisielle programmet ved ein av dei prioriterte festivalane, distribuert på kino, vist via ein strøymeteneste eller via kringkasting. Tilgjengeleggjering av eit filmverk via opne videodelingsplattformtenester, til dømes YouTube eller Vimeo, fell utanfor definisjonen av profesjonell distribusjon.

    Oversikt over prioriterte festivalar finn du her. I tillegg til desse festivalane er visning ved følgande festivalar også kvalifiserande:

    • Kortfilmfestivalen
    • Minimalen
    • Kosmorama
    • Bergen internasjonale filmfestival
    • Den norske dokumentarfilmfestivalen
    • Den norske filmfestivalen
    • Fredrikstad Animation Festival
    • HUMAN International Documentary Film Festival
    • Nordic Docs
    • Kristiansand Internasjonale Barnefilmfestival
    • Oslo Pix
    • Tromsø Internasjonale Filmfestival
  • Relevant yrkeserfaring – tidlegare tilskot

    • Har du vore regissør eller manusforfattar for eit audiovisuelt verk som tidlegare har fått tilskot frå Norsk filminstitutt, eit regionalt filmsenter eller regionalt fond, Internasjonalt Samisk Filminstitutt, Fritt Ord, Fond for lyd og bilete, Bergesenstiftelsen eller Stiftingelsen Dam, er det også kvalifiserande for ordninga.
    • Om det tidligare tilskotet var eit utviklingstilskot må tilskotet vere på 30 000 kroner eller høgare for å kvalifisere.
    • Det er ikkje eit krav at tilskotet var tildelt same prosjekt som du planleggar å søke med nå.

Dette kan du søke om

Du kan søke om tilskot til utvikling i to fasar: Fase 1 – Idé og Fase 2 – Manuskript.

• Tilskot Fase 1 - idé omfattar:

  • Utvikling av forteljinga sine grunnpilarar: historia, karakterane, setting og tematikk.
  • Synleggjering av ambisjonsnivået for forteljinga.
  • Utarbeiding av logline, pitch, karakterbeskriving og andre tekstar som er relevante for konkretisering og presentasjon av prosjektet.
  • Utarbeiding av forfattarnotat.
  • Ved avslutninga av fase 1 skal du normalt levere treatment (maks 30 sider), kort handlingssamandrag og ein utviklingsrapport. Rapporten skal synleggjere potensialet i å utvikle prosjektet vidare i manuskriptfasen.
• Tilskot Fase 2 – Manuskript blir gitt på grunnlag av materialet frå fase 1, og vil typisk gis til:

  • Framstilling av manus til revidert første utkast.
  • Synleggjering av det filmatiske potensialet i forteljinga.
  • Vidare bearbeiding av logline, pitch og andre tekstar som er relevante for konkretisering og presentasjon av prosjektet.
  • Utarbeiding av forfattarnotat.
  • Ved avslutninga av fase 2 skal du normalt levere fullstendig manuskript i revidert første utkast, samt ein utviklingsrapport. For dramaseriar blir tilskot gitt fram til revidert første utkast av episode 1, samt episode- og sesong-synopsis.

Det blir normalt ikkje gitt tilskot til prosjekt som har vore i utvikling i andre ordningar hos NFI. Det kan gjerast unntak for prosjekt frå Idéfordjuping (tidlegare VIP-stipend). Desse kvalifiserer til å søke Fase 2 – Manuskript, men ikkje Fase 1 – Idé.

Vilkår for tilskot

• Du må sende inn søknaden før du begynner på arbeidet som du søkar tilskot til.
• Du kan berre ha eitt prosjekt i ordninga om gongen.
• Du må ha fått tilskot til Fase 1 for å kunne søke om tilskot til Fase 2.
• Søknaden og søknadsdokumenta skal vere på norsk, dansk eller svensk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden. 
• Søknaden må gjelde eit kulturprodukt som oppfyller minst tre av dei fire punkta i kulturtesten

  • Manuskript eller litterært førelegg er originalskrive på norsk eller samisk. 
  • Hovudtemaet er knytt til norsk historie, kultur eller samfunnsforhold.
  • Handlinga utspeler seg i Noreg eller eit anna EØS-land.
  • Verket har vesentleg bidrag frå opphavspersonar eller utøvande kunstnarar busett i Noreg eller eit annet EØS-land. 

   Les meir om kulturtesten her

• Dersom prosjektet er vurdert to eller fleire gonger tidlegare i denne ordninga, skal det leverast ei oversikt over kva substansielle endringar som er gjort i prosjektet sidan førre søknad.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

• Forteljartekniske, produksjons- og marknadsmessige forhold, med spesiell vekt på den kunstnariske kvaliteten. NFIs kunstnariske kvalitetskriterium blir brukt som verktøy i utveljinga. Les meir om dei kunstnariske kvalitetskriteria her
• Vi kan prioritere prosjekt som bidrar til betre kjønnsbalanse.
• Vi kan prioritere prosjekt som bidrar til auka mangfald og representativitet.

Meir om ordninga