Neo idéutvikling

Kven kan søke

• Du må ha registrert enkeltpersonføretak i det norske Einingsregisteret.
• Profesjonelle manusforfattarar, serieskaparar og skrivande regissørar som ønsker å utvikle sitt første prosjekt i langt format

  Langt format omfattar både spelefilm, lang dokumentar, episodisk fortelling innan fiksjon og dokumentar, eller eit lengre hybrid prosjekt.

• Unntaksvis kan det vere din andre film/serie, dersom du i din debut ikkje har fått vist ditt kunstnariske potensial.
• Du må oppfylle eitt av følgande krav til utdanning eller yrkeserfaring:
  • Relevant utdanning

    • Utdanning på bachelornivå eller høgare innan skapande audiovisuelle fag.
    • Utdanninga skal ha resultert i ein eksamensfilm eller eit manus i langt format, som manus til spelefilm eller dramaserie.
    • For søkarar som skal utvikle eit dokumentarisk verk kan også anna utdanning på bachelornivå, til dømes innan journalistikk eller kreative fag, reknast som relevant.
  • Relevant yrkeserfaring – profesjonell distribusjon

    • Dokumentert yrkeserfaring som regissør eller manusforfattar frå produksjon av audiovisuelle verk med profesjonell distribusjon

      Med profesjonell distribusjon meiner vi at verket har blitt vist i det offisielle programmet ved ein av dei prioriterte festivalane, distribuert på kino eller vist via ein strøymeteneste eller via kringkasting. Tilgjengeleggjering av eit filmverk via opne videodelingsplattformtenester, til dømes YouTube eller Vimeo, fell utanfor definisjonen av profesjonell distribusjon.

      Oversikt over prioriterte festivalar finn du her. I tillegg til desse festivalane er visning ved følgande festivalar også kvalifiserande:

      • Kortfilmfestivalen
      • Minimalen
      • Kosmorama
      • Bergen internasjonale filmfestival
      • Den norske dokumentarfilmfestivalen
      • Den norske filmfestivalen
      • Fredrikstad Animation Festival
      • HUMAN International Documentary Film Festival
      • Nordic Docs
      • Kristiansand Internasjonale Barnefilmfestival
      • Oslo Pix
      • Tromsø Internasjonale Filmfestival
         
    • For søker som skal utvikle eit dokumentariske verk kan også anna relevant yrkeserfaring frå produksjon av audiovisuelle verk med profesjonell distribusjon reknast som kvalifiserande.
  • Relevant yrkeserfaring – tidlegare tilskot

    • Har du vore regissør eller manusforfattar for eit audiovisuelt verk som tidlegare har fått tilskot frå Norsk filminstitutt, eit regionalt filmsenter eller regionalt fond, Internasjonalt Samisk Filminstitutt, Fritt Ord, Fond for lyd og bilete, Bergesenstiftelsen eller Stiftelsen Dam, er dette også kvalifiserande.
    • Om det tidlegare tilskotet var eit utviklingstilskot må tilskotet ha vore på 30 000 kroner eller høgare for å kvalifisere.
    • Det er ikkje eit krav at tilskotet vart tildelt same prosjekt som du planleggar å søke med nå.

Dette kan du søke om

• Du kan søke om å utvikle idéen din i form av skriftleg og/eller visuelt materiale for å gjere synleg prosjektets potensial både cinematisk og dramaturgisk.
• Det gis tilskot i éin fase.
• Det gis ikkje tilskot til prosjekt som er i utvikling i andre ordningar hos NFI.

Reisekostnader knytt til Neo-samlingar og arrangement kan inkluderast i utviklingsbudsjettet.

Vilkår for tilskot

• Du må sende inn søknaden før du begynner på arbeidet som du søkar tilskot til.
• Søknaden og søknadsdokumenta skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.
• Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad. 

Prioritering og vekting av søknaden

Vi vurderer prosjektet ut frå kunstnariske kvalitetar og ambisjonar, samt regissørens/manusforfattarens talent og erfaring. NFIs kunstnariske kvalitetskriterium blir brukt som verktøy i utveljinga. Les meir om dei kunstnariske kvalitetskriteria her.

• Vi kan prioritere søkarar og prosjekt som bidrar til auka mangfald
• Vi kan prioritere søkarar og prosjekt som bidrar til betre kjønnsbalanse
• Vi kan prioritere filmskaparar som søker med sitt første prosjekt i langt format og prosjekt som ikkje har fått tilskot frå NFI tidlegare.
• Vi kan prioritere nye idéar og prosjekt som har eit tydeleg lågbudsjettpotensial.
• Vi kan prioritera prosjekt frå filmskaparar som kan visa til to eller fleire kortfilmar som har vore vist i et offisielt program ved ein av dei prioriterte festivalane, som nevnt over.

Meir om ordninga