Neo utvikling

Kven kan søke 

• Søkaren skal vere eit uavhengig produksjonsselskap som er etablert i Noreg eller i eit anna EØS-land, og som har audiovisuell produksjon som hovudformål.
• Produksjonsselskapet kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Føretaket må vere organisert som aksjeselskap og vere registrert i det norske einings- eller føretaksregisteret.
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet. Sjå også vilkår for tilskot.

Dette kan du søke om 

Du kan søke om utviklingstilskot til eit eigendefinert utviklingsprosjekt i langt format for å synleggjere og styrke innhaldet og prosjektets potensiale.

Målet er å utvikle prosjekt innan desse områda, med hovudvekt på det første:

• Det filmatiske innhaldet (manus, treatment, research) og visuelt konsept (storyboard, teaser, pilot, visuelt utdrag av prosjektet, utarbeideing av reginotat, visuelt/foto konsept, workshops/prøvefilming med cast mm.)
• Produksjonell konseptualisering (casting, location scouting, utvikling av lågbudsjettramme, finne stab)
• Publikumsinnsikt og posisjonering av prosjektet i marknaden
• Finansiering
• Umisteleg opptak

Det gis ikkje tilskot til prosjekt som er i utvikling i andre ordningar i NFI.

Reisekostnader knytt til Neo-samlingar og arrangement kan inkluderast med i utviklingsbudsjettet.

Vilkår for tilskot

• Du må sende inn søknaden før opptaksstart og før du begynner på arbeidet som du søkar tilskot til.
• Søknaden og søknadsdokumenta skal vere på norsk. NFI kan gjere unntak frå språkkravet på heile eller delar av søknaden. Du må søke produksjonsfagleg rådgivar om dette før du sender søknaden. 
• Produsenten og nøkkelmedarbeidarar må ha 3-årig utdanning på bachelornivå i faget eller relevant og dokumenterbar filmfagleg erfaring innanfor sitt fagfelt.
• Produksjonsselskap og/eller produsent må ha gjennomført og distribuert minimum éin produksjon med tilskot frå NFI, regionale filmsenter eller fond. 
• Regissør/serieskaper må gjennom tidlegare verk ha manifestert eit talent i sitt virke

  Med manifestert talent meines at du har laga éin eller fleire fiksjons-, dokumentar,- eller hybridproduksjonar som har framvist filmatiske kvalitetar, har blitt vist i ein offentleg og profesjonell samanheng , og/eller har evna å skape debatt.

• Søknaden må gjelde regissørens/serieskaparens kunstnariske debut innanfor formata spelefilm, dramaserie, dokumentarfilm, dokumentarserie eller eit lengre hybridprosjekt

  Med kunstnarisk debut meiner vi at regissørar kan ha debutert med sin første spelefilm, men berre dersom regissøren i denne ikkje har fått vist sitt kunstnariske potensiale. 

  For serieskaparar gjeld at du ikkje kan ha skapt ein serie på over 120 minuttar totalt med offentleg visning. Har du laga filmar/seriar utan offentleg visning tel ikkje det inn her.

  Dersom regissøren/serieskaparens tidlegare verk berre er vist på festivalar, blir ikkje dette rekna som at ein har debutert.

  Dersom regissøren/serieskaparen er i gang (forbi greenlight) med sitt andre prosjekt innanfor formatet det vert søkt på, kvalifiserer ein ikkje for ordninga.

  NFI reknar ikkje episoderegi på en dramaserie/dokumentarserie for debut.

• Søker må dokumentere å ha dei nødvendige rettane til prosjektet

  Frå «Forskrift om tilskudd til audiovisuell produksjon», § 3-3. Vilkår»:

  «Søker skal dokumentere å ha inngått avtaler med de som har rettighetene etter åndsverkloven. Dette innebærer at søker besitter eller kan erverve alle nødvendige rettigheter for realisering av det audiovisuelle verket, og at søker uten begrensninger kan inngå avtaler om salg, distribusjon og visning av det ferdige audiovisuelle verket. 

  Ved engasjement av rettighetshavere skal søker ved ethvert tilfelle følge de gjeldende kollektive avtalene med bransjens organisasjoner. 

  Etter aksept av tilbud om tilskudd skal tilskuddsmottaker besitte de nevnte rettigheter. Tilskuddsmottaker skal også, uten begrensninger, ha de nødvendige rettigheter for den eksklusive forvaltning av rettigheter i det audiovisuelle verket, samt den økonomiske forvaltning av det audiovisuelle verket.» 

  Tilskotsmottakar kan inngå avtalar om sal av rettar til distribusjon og visning så framt avtalene er tidsavgrensa og geografisk avgrensa. Neo godkjenner ikkje medfinansiering kor det er sett redaksjonelle krav.

• Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad.
• Søknaden må gjelde eit kulturprodukt som oppfyller minst tre av dei fire punkta i kulturtesten

  • Manuskript eller litterært førelegg er originalskrive på norsk eller samisk. 
  • Hovudtemaet er knytt til norsk historie, kultur eller samfunnsforhold.
  • Handlinga utspeler seg i Noreg eller eit anna EØS-land.
  • Verket har vesentleg bidrag frå opphavspersonar eller utøvande kunstnarar busett i Noreg eller eit annet EØS-land. 

  Les meir om kulturtesten her

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

• Kunstnariske kvalitetar, visjonar og ambisjonar i prosjektet. NFIs kunstnariske kvalitetskriterier blir nytta som eit verktøy i utveljinga.  
• Om prosjektet har eit lågbudsjetts-DNA

  Eksempel på lågbudsjettsgrep kan vere:

  • redusere talet på lokasjonar
  • redusere talet på cast/ medverkande
  • lite/ingen spesialeffektar
  • minimalistisk kamera/lys-avdeling
  • filme i nærmiljøet
  • kort innspelingsperiode
  • gjennomføre produksjonen med mini-team
  • avgrense bruk av materiale som krev rettar, til dømes dyre arkivbilete, musikk osv.

  NFI forventar at overeinskomstar og tariffer blir følgde, og andre budsjettpostar til teknisk utstyr og fasilitetar forheld seg til dei lågast tilgjengelege marknadsprisane.

• Regissørens talent og erfaring,
• Produsentens gjennomføringsevne i langt format

Vi kan prioritere søkarar og prosjekt som bidrar til auka mangfald.

Vi kan prioritere søkarar og prosjekt som bidrar til betre kjønnsbalanse.

Vi kan prioritere filmskaparar som søker med sitt første prosjekt i langt format.

Vi kan prioritere prosjekt som bidrar til kunstnarisk vågemot, variasjon og kvalitet i filmtilbodet.

Meir om ordninga