Publikumsundersøkinga 2025: Nordmenn har eit mer positivt inntrykk av norsk film

Publikumsundersøkinga er utført av selskapet Fifty5blue (tidlegare Kantar Media) på oppdrag frå Norsk filminstitutt og blei lansert hjå Norsk filminstitutt i Oslo torsdag 18. juni.

Rapporten tek for seg nordmenns konsum av filmar og seriar, involvering og sjangerpreferansar, samt korleis det norske innhaldet står seg mot innhald frå utlandet.

– Norsk film gjer det bra på store festivalar og får prisar internasjonalt. Samstundes ser vi at den positive utviklinga også blir attkjend av publikum her heime. At 68 prosent av befolkninga meiner norske filmar og seriar er blitt betre dei siste åra, er eit tydeleg signal om at norsk innhald står stadig sterkare hos publikum. Det er interessant å sjå at den kunstnariske utviklinga og den internasjonale anerkjenninga også blir spegla i publikums oppfatning, seier Kjersti Mo, direktør i Norsk filminstitutt.

Rapporten gir også innsikt i nordmenn sin bruk av kino og gir innblikk i kven den typiske norske kinogjengaren er.  

Last ned rapporten her

Hovudfunn

• 61 prosent oppfattar norsk innhald som bra. Kvinner er litt meir positive enn menn.
• 24 prosent brukte meir enn 15 timar i veka på film og seriar på TV/strøyming. Dette er på nivå med resultatet frå 2021/2022.
• 28 prosent seier at film og seriar er noko av det dei er mest opptekne av. Dei eldre oppgir å vere noko mindre interesserte enn dei andre aldersgruppene.
• 22 prosent er ikkje superinteresserte i film og seriar, men likar kinoopplevinga av og til. Samstundes har 8 prosent eit lidenskapeleg forhold til film og seriar.

Presentert på Cinemateket 

Rapporten er basert på ei kvantitativ, landsrepresentativ undersøking med 5900 respondentar gjennomført i 2025, og blei presentert under eit arrangement på Cinemateket torsdag 18. juni. Her deltog også Elisabeth Kleppe, Elin Sander og Eskild Sander Halvorsen, regissører og produsenter for dokumentarfilmen Havfolket, som fortalte om korleis filmen blei ein av årets store publikumssuksessar på kino.

Opptak fra arrangementet på Cinemateket:

Publikumsundersøkinga har blitt gjennomført sidan 2020. Tidlegare undersøkingar: 
Publikumsundersøkelsen 2023 og Publikumsundersøkelsen 2021-2022