Utlysing: Manusverkstad for barnefilm Cinekid 2026-27

Programmet retter seg mot film og seriar for barn – enten live-action, animasjon eller dokumentar, og tilbyr skreddarsydd utvikling gjennom individuell coaching og felles samlingar.

Deltakarane får mellom anna: 

• Ein til ein-rettleiing med erfarne manuscoachar
• Testing og pitching av prosjektet ditt framfor barn og profesjonelle
• Leseprøver med skodespelarar
• Nettverksbygging under Cinekid og Berlinalen
• Deltaking i workshops og utviklingsøkter, både fysisk og digitalt

Workshopen finn stad over to sesjonar, den første under Cinekid Festival i Amsterdam, Nederland i oktober 2026, den andre under Berlinalen i februar 2027. I perioden mellom er det digital oppfølging med mentor.

Kven kan søke? 

Manusforfattarar med barnefilm- eller serieprosjekt under utvikling for barn i alderen 3–14 år. Totalt 12–15 deltakarar blir tekne opp. Prosjektet må ha knytt til seg ein produsent.

NFI dekker deltakaravgifta og reisestipend for eitt norsk prosjekt som blir valt ut i samarbeid med Cinekid. Fleire norske prosjekt kan i tillegg bli valde ut direkte av Cinekid, men vil då ikkje få deltaking dekt av NFI. Søknad må sendast direkte til Cinekid.

Søknad skal sendast direkte til Cinekid, på engelsk. 

Meir informasjon og søknadsskjema her: Cinekid Professionals - Cinekid Script LAB

Andre nyttige lenkar: 

Regulations Script Lab 2026-2027: Cinekid_CFP_ScriptLAB-Regulations-2026-2027.pdf

Meir om Cinekid og bransjeprogrammet her: Cinekid for Professionals

Meir om Norsk filminstitutt sitt reisestipend for kurs i utlandet: Reisestipend utland | NFI

Søknadsfrist: 25. mai 2026 innan kl 12  

Cinekid Script LAB er støtta av Creative Europe MEDIA-programmet og er eit samarbeid mellom Cinekid for Professionals og fleire europeiske filminstitutt: Norsk filminstitutt, Svenska Filminstitutet, Icelandic Film Centre, Netherlands Film Fund, Flanders Audiovisual Fund og Athens International Children's Film Festival.