Utlysing – norsk delegasjon til CPH:DOX 2026

Gjennom Norsk filminstitutts partnarskap med CPH:DOX inviterer vi no dokumentarfilmprodusentar til å søke om plass i den norske delegasjonen til festivalen i mars 2026. Helen Prestgard og Rune Tellefsen frå NFI leiar delegasjonen. Det er fire plassar tilgjengeleg.

Delegasjonsprogrammet til CPH:DOX er laga for å fremme internasjonalt samarbeid ved å invitere filmskaparar, produsentar og bransjefolk til festivalen som del av delegasjonar frå ulike land. Programmet gir deltakarane høve til å diskutere sine prosjekt gjennom rundebordssamtalar, med vekt på samproduksjon, i sesjonane Meet the Delegations – Presentations & Networking Roundtables og Delegation Decision Makers Roundtable. I tillegg får deltakarane tilgang til seminar, Forum pitch-sesjonar og arrangement for nettverksbygging.

Målet er å styrke samarbeid og oppmuntre til kulturell utveksling mellom delegasjonane og den internasjonale filmbransjen.

CPH:DOX – Copenhagen International Documentary Film Festival – er ein av verdas leiande dokumentarfilmfestivalar. Festivalen vart etablert i 2003 og vektlegg dokumentarfilmar med både kunstnarisk og samfunnsengasjert innhald. CPH:DOX viser eit breitt spekter av filmar som dekker politiske, sosiale, kulturelle og miljømessige tema. Festivalen omfattar også debattar, verkstader og kunstutstillingar som utforskar grensene mellom film og andre kunstformer.

Målgruppe

Vi søker dokumentarfilmprodusentar med internasjonale ambisjonar, som anten har markert seg her heime med ein eller to langfilmar, eller arbeider med sin første langfilm.

Du må ha eit prosjekt under utvikling og eit ønske om å nå ut internasjonalt. Du er på jakt etter ein internasjonal samprodusent, eller ser etter internasjonal finansiering/distribusjon. Prosjektet du søker med må ha fått tilskot frå Norsk filminstitutt eller eit regionalt senter, eventuelt ein annan finansiør.

Delegasjonsprogram 16. – 18. mars: 

Mandag 16. mars, morgen: Presentasjon av delegasjonane, nettverksbygging samproduksjon 

Tirsdag 17. mars, ettermiddag: Rundebordssamtalar med finansiørar og bransjerepresentantar

Onsdag 18. mars, ettermiddag: Rundebordssamtalar med finansiørar og bransjerepresentantar

Anbefalte reisetider: Ankomst søndag 15. mars og avreise fredag 20. mars

Festivaldatoar 

CPH:DOX 11. – 22. mars

CPH:FORUM 16.-19. mars 

CPH:Summit 16. mars

CPH:CONFERENCE 16.-20. mars

CPH:INDUSTRY 16.-19. mars

Vi tilbyr:

• Deltaking i Delegation-programmet, inkludert akkreditering og tilgang til CPH:Forum og CPH:Forum Dinner
• Tilgang til mentorprogram i forkant av festivalen, anten gjennom samtalar med ein bransjeekspert eller ein erfaren produsent
• Tilgang til mottakingar, mingling og liknande
• Mentorprogrammet og CPH:Forum Dinner
• Stipend til reisekostnader + overnatting i 4 netter
• Stipend til deltakaravgifta, som er på 3500 DKK

Søknaden må innehalde:

Innhaldet i søknaden og kva du må levere kjem fram i søknadsportalen, her er dei mest sentrale punktane

• Fagleg grunngiving for kvifor du ønskjer å delta i delegasjonen
• Relevant CV
• Prosjektbeskriving (maks 2 sider) om filmprosjektet som er aktuelt for samproduksjon. Ta med informasjon om korleis prosjektet er finansiert (som vedlegg under «Eventuelt»)
• Budsjett for deltakinga. Deltakaravgifta er 3500 DKK + reisekostnader (tog/buss og/eller flybillett + transport til/frå flyplass) og hotellkostnader (Norsk filminstitutt kan dekke inntil 1500 NOK x 4 netter)
• Du må opplyse om du ønsker å delta i mentorprogrammet eller ikkje. Du kan få tilgang til samtalar i forkant med ein mentor som festivalen vel ut for deg. Du kan velje mellom A – INDUSTRY EXPERT eller B – SEASONED PRODUCER. Les meir her, under Add-On Membership

Du treng ikkje levere dokumentasjon på akkreditering, dette inngår for dei utvalde deltakarane.

Slik søker du

For å søke må du vere registrert som brukar og vere innlogga på Søknadsportalen på Min side her på nfi.no (via Logg inn-knappen oppe på sida). Velg fana Reisestipend Utland, deretter Deltakelse på kurs i utlandet. NB: Merk søknaden Delegasjon CPH:DOX 2026.

Du kan jobbe med søknaden i etappar og mellomlagre sikkert på våre nettsider. Når søknaden med vedlegg er klar velger du Send.

Vi viser elles til Forskrift om tilskudd til audiovisuelle produksjoner, kapt 2.

Søknadsfrist:

Fredag 14. november 2025, innen kl 12:00 norsk tid.