Lansering av film og seriar i utlandet

Kven kan søke

• Søkaren skal vere eit uavhengige produksjonsselskap som er etablert i Noreg eller i eit anna EØS-land, og som har audiovisuell produksjon som hovudformål.
• Produksjonsselskapet kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Føretaket må vere organisert som aksjeselskap og vere registrert i det norske einings- eller føretaksregisteret.
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet.

Det kan i særlege tilfelle gjerast unntak frå kravet om at føretaket ikkje kan ha det offentlege som hovudeigar.

Det kan etter ei nærare vurdering verte godteke at søker har ei anna organisasjonsform eller ikkje har nøkkelmedarbeidarar med betydeleg profesjonell erfaring. I vurderinga skal det leggast vekt på prosjektets størrelse, kompleksitet og budsjett

Dette kan du søke om

• Du kan søke om tilskot til lansering av audiovisuelle verk på festivalar, salsmarknader eller andre relevante arenaer. Sjå lista over prioriterte festivalar og marknader.
• Relevante lanseringstiltak

  • Outreach-kampanjar, det vil seie lansering mot ein marknad gjennom samarbeid med tredjepart (f.eks ideelle organisasjonar)
  • Nyskapande lanseringstiltak
  • Deltakar-/marknadsavgift
  • Reisekostnader til regissør, produsent og eventuelt andre nøkkelpersonar
  • Mediekjøp
  • Marknadsføring og PR
  • Internasjonal presseagent (inntil 50 % av totalbudsjett)
  • For -og etterarbeid med den aktuelle lanseringa (inntil 10% av totalbudsjett)
  • Produksjon av relevant visningsmateriell
  • Påmeldingsavgift festivalar (gjeld berre kortfilm) og kostnader til administrasjon
  • Oscar-kampanje

Vilkår for tilskot 

• Du må sende inn søknaden før du begynner på arbeidet du søkar tilskot til.
• Søknad og søknadsdokument skal vere på norsk, dansk eller svensk. NFI kan gjere unntak frå språkkravet for heile eller delar av søknaden. Dette må avklarast med rådgivar før innsending.
• Lanseringstilskot for festival rettar seg mot prosjekt som er ferdig produsert og i sin primære lanseringsfase. For lansering i utlandet betyr det normalt innan 12 månader etter norsk eller internasjonal premiere eller utgiving.
• For lansering på salsmarknader er det tilstrekkeleg at det er tatt produksjonsavgjerd.
• Produsenten må som hovudregel vere til stades på salsmarknadene/messene.
• Søker må ha dei nødvendige rettane til å lansere prosjektet.

  Frå «Forskrift om tilskudd til audiovisuell produksjon», § 3-3. Vilkår»: 

  «Søker skal dokumentere å ha inngått avtaler med de som har rettighetene etter åndsverkloven. Dette innebærer at søker besitter eller kan erverve alle nødvendige rettigheter for realisering av det audiovisuelle verket, og at søker uten begrensninger kan inngå avtaler om salg, distribusjon og visning av det ferdige audiovisuelle verket.

  Ved engasjement av rettighetshavere skal søker ved ethvert tilfelle følge de gjeldende kollektive avtalene med bransjens organisasjoner.

  Etter aksept av tilbud om tilskudd skal tilskuddsmottaker besitte de nevnte rettigheter. Tilskuddsmottaker skal også, uten begrensninger, ha de nødvendige rettigheter for den eksklusive forvaltning av rettigheter i det audiovisuelle verket, samt den økonomiske forvaltning av det audiovisuelle verket.

  Tilskuddsmottaker kan inngå avtaler som gir tredjepart utnyttelsesrett (lisens) til salg, distribusjon og visning av det audiovisuelle verket forutsatt at avtalene er tidsavgrensede og geografisk avgrensede, men kan ikke overdra eierskap til immaterielle rettigheter til eller i det audiovisuelle verket.»

  Investorars krav i prosjektets inntektsstraum er ikkje avgrensa av definisjonane over.

• Søknaden må gjelde eit kulturprodukt som oppfyller minst tre av dei fire punkta i kulturtesten.

  Manuskript eller litterært førelegg er originalskrive på norsk eller samisk.

  Hovudtemaet er knytt til norsk historie, kultur eller samfunnsforhold.

  Handlinga utspeler seg i Noreg eller eit anna EØS-land.

  Verket har vesentleg bidrag frå opphavspersonar eller utøvande kunstnarar busett i Noreg eller eit anna EØS-land.

  Les meir om kulturtesten her

Prioritering og vekting av søknaden

Vi gjer ei heilskapleg vurdering av lanseringsplan, kva forventa salspotensial- og publikumspotensial verket har, og arenaens posisjon internasjonalt.

Vi legg også vekt på erfaring og tidlegare resultat, samt verksemdas overordna strategi for internasjonal satsing.

Vi kan prioritere spelefilm og dokumentarfilm som har mottekne produksjonstilskot etter forskrift om tilskot til audiovisuell produksjon.

Sjå òg nærare kriterium under dei enkelte kategoriane Lansering på festival, Lansering på éin salsmarknad, Deltaking på finansieringsforum i utlandet, Påmelding til festivalar for kortfilm og Oscar kampanje i det følgjande.

Meir om ordninga