Produksjon av spelefilm etter marknadsvurdering

Tilskotsordninga for produksjon av spelefilm etter marknadsvurdering skal stimulere til spelefilmar med høg kvalitet og høgt publikumspotensial. I vurderinga av og prioriteringa mellom søknader om produksjonstilskot til spelefilmar skal det særleg leggjast vekt på kva publikums- og inntektspotensial verket er forventa å ha på kino i Noreg, søkarens marknads- og distribusjonsstrategi og tidlegare kommersielle resultat hos søkaren og nøkkelpersonar i prosjektet.

Breidda og mangfaldet i det norske samfunnet bør bli spegla både på skaparsida og innhaldssida, inkludert tilbod til barn og unge.

Ordninga skal styrke lønsemd og berekraft i bransjen.

Tilskotet kan ikkje overstige 50% av filmens godkjente budsjett.

Samla tilskot frå Norsk filminstitutt til utvikling, produksjon og etterhandstilskot kan maksimalt vere 35.000.000 kroner.

Det maksimale samla tilskotet frå alle finansieringskjelder i offentleg sektor er 75% av dei godkjende rekneskapsførte utviklings-, produksjons- og lanseringskostnadane.

Du skal velje mellom to tilskotsnivå når du søker om tilskot:

• inntil 14.200.000 kroner, eller
• inntil 9.800 000 kroner

Søker må definere kva nivå det blir søkt tilskot under. Same prosjekt kan ikkje søke begge nivå.

Prosjekt som søker om tilskot inntil 14.200.000 kroner må ha eit publikumsestimat over 250.000 selde billettar i ordinær kinodistribusjon.

Prosjekter som søker om tilskot inntil 9.800.000 kroner må ha eit publikumsestimat over 150.000 selde billettar i ordinær kinodistribusjon.

• Stadfesting på at du har rettane til å gjennomføre prosjektet
• Manuskript og synopsis
• Produsentnotat og regissørens intensjon
• Kalkyle, finansieringsplan, framdriftsplan, opptaksplan og inntektsprognose
• Forpliktande avtale med distributør for kino i Noreg
• Notat om posisjonering og målgruppe
• Posisjonering og målgruppe
• Stadfesting på 80 % finansiering
• Tidlegare resultat for både regissør, produsent og produksjonsføretak.
• Ansvarserklæring for berekraftstandarden og ein dedikert og namngjeven berekraftkoordinator. 

Du finn alle detaljerte krav til søknaden i søknadsportalen.

Kontoplan

Søknadane blir behandla av produksjonsfagleg rådgivar i NFI. Publikumsestimatet blir vurdert av eit panel beståande av representantar frå norsk filmbransje (to paneldeltakarar) og NFI (éin paneldeltakar). Det blir fastsett nytt panel for kvar søknadsrunde. 

For å vere paneldeltakar bør ein ha erfaring som produsent eller distributør av film(ar) med høgt publikumstal på kino i Noreg, helst filmar produsert innanfor marknadsordninga. Anna relevant erfaring kan også gjere at ein er kvalifisert som paneldeltakar. 

I tillegg kan spelefilmkonsulenten velje éin av filmane på det lave tilskotsnivået som panelet vurderer kan selje over 150.000 billetter.

NFI kan overprøve innstillinga til panelet dersom resultatet risikerer å virke mot ordningas formål om å gi tilskot til prosjekt med høgt publikumspotensial, men ikkje ut frå reine porteføljebetraktningar. Instruksen for panelet finn du her.

Sjå her for ei beskriving av korleis vi saksbehandlar i NFI

Alle som søker må levere eigenmelding om inkludering. Formålet med eigenmeldinga er å bevisstgjere og ansvarleggjere bransjen, så det blir skapt prosjekt som tek fleire stemmer i bruk, og som totalt sett opplevast som relevante for alle lag av befolkninga. 

Eigenmeldinga skal gjere greie for inkludering og representativitet i skapar-, innhalds-, og brukarleddet. Søkaren skal vise korleis inkludering og representativitet er ivareteke med omsyn til diversitet i form av enten kjønn, alder (barn, unge, seniorar), funksjonsevne, etnisitet, urfolk, nasjonale minoritetar, seksuell orientering, geografisk tilhøyrsle eller sosial bakgrunn.

Her kan du lese meir om eigenmeldinga

Norsk filminstitutt har frå januar 2026 innført krav om berekraftsrapportering på prosjekt som får produksjonsstøtte. 

Dette er basert på den felles nordiske berekraftstandarden NES (Nordic Ecological Standard).  

I første omgang blir denne rapporteringa brukt til å bevisstgjere bransjen og skape innsikt i korleis bransjen arbeider med berekraft, og det er førebels ikkje nokon sanksjonar ved å ikkje oppfylle krava i standarden.

Prosjekta som får tilskot i marknadsordninga er automatisk kvalifiserte for etterhandstilskot jf. § 3-9 i forskrifta. 

Etterhandstilskot utgjer 75 prosent av filmens dokumenterte inntekter (eks. mva.), frå distribusjon og sal av visningsrett dei tre første åra etter filmens første offentlege primærvisning på kino i Noreg. 

For filmar som har minst 25 % mangfaldsandel utgjer etterhandstilskotet 150 % av dei dokumenterte inntektene.

For barne- og ungdomsfilmar med minst 25 % mangfaldsandel utgjer etterhandstilskotet 200 % av dei dokumenterte inntektene.

Mangfald blir målt i nøkkelfunksjonane regi, manus, produsent og hovudrolle. 

• Mangfald i regi/manus/produsent blir definert som:
  o Personar som identifiserer seg som samiske
  o Innvandrarar frå eit ikkje-vestleg land
  o Iorskfødde med innvandrarforeldre frå ikkje-vestleg land

Med innvandrar meiner ein i denne samanhengen person fødd i utlandet av to utanlandsfødde foreldre og fire utanlandsfødde besteforeldre.

Med ikkje-vestleg land meiner ein i denne samanhengen landbakgrunn frå Afrika, Asia, Amerika utanom USA og Canada, Oseania utanom New Zealand, polare område, Europa utanom EU/EFTA og Storbritannia og nye EU-land etter 2004 (Polen, Litauen, Estland, Latvia, Slovakia, Slovenia, Tsjekkia, Ungarn, Bulgaria, Romania og Kroatia).

Mangfald i hovudrolle blir definert som: 

• Hovudrolle som identifiserer seg som samisk
• Hovudrolle som identifiserer seg som nasjonal minoritet
• Hovudrolle som framstiller person med landbakgrunn frå eit ikkje-vestleg land
• Hovudrolle som framstiller ein person med funksjonsnedsetjing
• Hovudrolle som identifiserer seg som lhbt+

Det er den fiktive karakteren som gir utteljing i denne samanhengen. For å oppfylle kriteria må det kome fram at karakteren har identiteten det er snakk om, enten gjennom synlege indikatorar eller gjennom historia som blir fortald.

Omgrepet landbakgrunn frå eit ikkje-vestleg land omfattar meir enn definisjonen av innvandrar og norskfødde med innvandrarforeldre. Omgrepet omfattar mellom anna også karakterar som er adoptert eller har éin forelder som er innvandrar. 

Med person med funksjonsnedsetjing meiner ein i denne samanhengen karakterar som er bevegelseshemma, synshemma, høyrselshemma eller utviklingshemma.

Etterhandstilskot kan utgjere:

• Maksimalt 18.000.000 kroner for prosjekter med førehandstilskot på 14.200.000 kroner.
• Maksimalt 12.000.000 kroner for prosjekter med førehandstilskot på 9.800.000 kroner.
• Maksimalt 50 % av godkjent utviklings- og produksjonsbudsjett

Filmen må selje minimum 10.000 billettar gjennom ordinær kinodistribusjon i Noreg for å utløse utbetaling av etterhandstilskotet. 

Det er ein føresetnad for utbetaling av etterhandstilskotet at filmen kan vise til ordinær kinodistribusjon med primærlansering på norsk kino jf. forskrifta § 3-9.