Eg har ord er ein leikande og humoristisk dokumentarfilm om ord; lyden av ord, meininga av ord, og alt som skjer der imellom. Rappartist og regissør Runar Gudnason, kjend som frontfigur i den norske rappgruppa Side Brok, reiser tilbake i tid for å finne ut kvifor han sjølv vart rappar. Han møter tidlege inspirasjonskjelder i Danmark, men finn ut at han også må heim til Hovdebygda i Ørsta og familien sin for å finne svara. Gjennom ordleik og ei personleg historie om tilhøyrsle og sakn, undersøker Runar Gudnason språkets løyndomar.